Erga gaggabaaban (text message) yaada fi miira ofi ibsachuuf maloota
hundarra iyyuu salphaadha. Dubartii qaaman haasofsiisuu ni sodaatta yoo
ta'e text fayyadamuu dandeessa. Brreeffamaan haala mijeeffaannaan
boodarra sagalee fi qaaman dubbisuuf siif salphata. Yeroo text
taasiftuuf daandiwwan armaan gadii hordofuu dandeessa.
1. Jalqaba bakka duwwaa (━) qofa itti ergi.
Waa'ee
kee baruu waan barbaadduf siif deebisti. '?' yookin 'Hi' jettee si
deebisuu dandeessi. Bakka duwwaa itti erguun kee akka fedhii keetti akka
haasoftuuf haala siif mijeessa.
2. Lammaffaa irratti daftee itti hin deebisin.
Akkuma
ishiin siif barreessiteen atis quba kudhaniin oggasuma barreessitee
itti deebisuu hin qabdu. Takka akka yaaddu godhi. Dogogoraan bakka
duwwaa natti erge moo jettee yaaduu dandeessi. Akka malees immoo irraa
hin turin. Barreeffama tokko yeroo lama irra deebitee walirra
dogoggoraanis ta'u itti hin ergin.
3. Emoji gara garaa fayyadami.
Emoji
akka onnee ishii mootuf si fayyada. Emojiwwan tapha keessan bareessaa
itti fufsiisuu danda'an fayyadami. Emoji kun yaada ishii guutummatti
gara keetti akka ishiin naannessitu godha.
4. Dogogora ishii fayyadamaa deemi.
Barreeffama
irratti dubartiin baay'ee waan of hin eegnef ati immoo galii irratti
lakkaawwachaa deemi. Ta'us garuu immoo barsiisaa afaanii ishii of hin
taasisin.
5. Yeroo mijataa filadhuu ergiif.
Sa'aatin
ati itti barreessitu sun murteessadha. Galgala osoo ta'ee bareedadha.
Walii barreessun keessan yeroo dheeraf akka itti fufuuf yeroo ishiin
hojjaa hin qabne ta'uu qaba.
6. Osoo hin ciifne dura barreessif. Osoon
rafin dura barreessufiin kee waa'ee kee abjootaa akka bultuuf gargaara.
Guyyittiin xummuramuun dura barreeffama kee dubbisuun ishii si yaadaa
akka bultu taasisa. Ganama yaada keetin lafaa kaati.
7. Barreeffama kee keessaa sookkoo fayyadami.
Jechoota
dhokataa fayyadamuun kee akka itti yaadduf fayyada. Sammuu ishii keessa
yaada facaasaa jirta. Turtii dheeressa. Atis amma ishiin itti yaaddutti
yaada biraa qopheeffattee eeguf si gargaara.
8. Erga gabaabaa qalbii hatu ta'uu qaba.
Barreeffama dheeran nuffisiisurra gababdudhuma dhama of keessaa qabdu wayya.
9. Dogoggora qubee of eeggadhu.
Dhiirri qubee eegee sirnaan barreessu qalbii shamarranii sirritti hata. Dubartiin ofii sirnaan qubee eegdee barreessuu baattus kan dhiiraa garuu ni hordofti. Kanaaf amma si danda'ametti, jaalalaan weeraramtus adaraa kee barreeffama irratti of eeggadhu.
10. Afaanota garaa garaa fayyadami.
Kuni hagas mara faayidaa qabaachuu
baatus iddoon inni itti si gargeeaaru ni jira. Fkn Bakka biraatti jecha
miidhagaa jaalala ibsu argattee afaan keetti deebisuuf yeroo jettu hiika
dhabuu dandeessa, kanaaf akkuma jirutti afaanichuma fayyadami.
Akkasumas afaan ishiin hin beekneen erguufin kee wanticha baruuf fedhiin
ishii ni dabala.
11. Waan kofalchiistu irratti of eeggannaa taasisi.
Baacoo itti mammaki. Barreeffama kee keessa qoosaa itti
daddabaluun kofalchiisuu dandeessa. Garuu tapha baay'isuun waan akka
salphaa wayiitti si lakkoofsisuuf of carraa kee itti aanu akka hin gubne
of eeggadhu.
12. Maqaa moggaasif.
Yeroo kamiyyuu maqaa warri ishii
moggaasef hin fayyadamin. Maqaa bareeda Jaalala ati qabdu keessatti
mul'achuu danda'u fayyadami. Kuni hariiroo keessan cimsaa deema.
13. Barreeffamni kee akka malee of eeggannoo cimaa fi ijaarrama hin barbaachisu.
Suuta barachaa deemun ni danda'ama. Yaa'insa barreeffama
ishii irratti hunda'aa deemi.
14. Suura kee akka itti hin ergine.
Amma fedhe bareeddu erguku hin barbaachisu. Dubartiin suura nama ishii
hordofuu tokkichgaafanne guu hin feetu. Kanaaf of mumul'isuudhaf hin
dhama'in.
15. Goonkumaa suura kee na ergi jettee akka hin gaafanne.
Ammuma fedhe hariiron sin jidduutti uumame cimaa ta'us sararri isin hin
dabarre tokko ni jira. Maaloo suura kee na ergi jechuun kee yeroo
xummuraatif tapha sin jidduu jiru balleessuu danda'a
16. Jechamoota, walaloowwan, seenaa fi wantoota adda adda barreeffama kee keessa fayyadami.
Gochoonni kunniin wantoota ishii harkisan keessatti
argamu. Jaalala ishiif qabdu walaloon, seenadhaan, jechamootan ibsuun
kee iddoo akka siif qabaattu gsitti
17. Barreeffama keetin baay'istees of hin tuulin.
Barreeffaman akka ishii sirritti bartuuf
baay'uma of boonsun hin barbaachisu. Wantoota ishiin jaalattu, jibbitu
fi kannen biroo adda baafachuuf yaali.
18. Amanamaa fi dhugaan waan sirraa calaqqisu osoo of hin qusanne itti agarsiisi.
Waan sitti
dhaga'amu kamuu qoodif. Sobaa fi waanuma hin jirre kana ishii ho'isuuf
jettee barressufii irraa of qusadhu.
19. Wantoota darbe
yayyaadachisi.
Yoo kana dura waan baay'ee waliin jechaa turtan ta'e
duubatti deebitee ishii yaadachiisuu dandeessa. Kuni hariiroo ho'isuuf
fayyada
20. Dubartii karaa message akka nutti siqxu gochuun waan salphaa miti.
Nama kaayyoo fi obsa qabu taanan immoo karaa kanaanis waan hin milkoofnef hin jiru.
Sitti haa tolu!
1 Comments
Baayye baredadha
ReplyDelete